ඉන්ධන අර්බුදය හේතුවෙන් මතුව ඇති ප්‍රවාහන අපහසුතා සැලකිල්ලට ගෙන දිවයිනේ තැපැල් සහ උප තැපැල් කාර්යාල සතියේ දින තුනක් පමණක් විවෘත කර තැබීමට තැපැල් දෙපාර්තමේන්තුව තීරණය කර තිබෙනවා.
ඒ් අනුව සෑම සතියකම අඟහරුවාදා, බදාදා, සහ බ්‍රහස්පතින්දා දිනවල දිවයින පුරා පිහිටා ඇති තැපැල් සහ උප තැපැල් කාර්යාල හරහා මහජන සේවාවන් පවත්වාගෙන යන බවයි තැපැල් දෙපාර්තමේන්තුව සඳහන් කළේ.
ඒ අතරම සියලුම ප්‍රාදේශීය ලේකම් කාර්යාලවල දිස්ත්‍රික් රෙජිස්ට්‍රාර් අංශ වෙතින් සපයනු ලබන උපත්, විවාහ, මරණ සහ සියලුම ඉඩම් රෙජිස්ට්‍රාර් සහතික පිටපත් නිකුත් කිරීම සඳුදා සහ බදාදා දින 2ක් තුළදී පමණක් සිදු කිරීමට තීරණය කර තිබෙනවා.
