Friday, March 29, 2024

පාලම් පාරුව පෙරළිමේ සිදුවීම ගැන විශේෂ පරීක්ෂණයක් නැගෙනහිර ආණ්ඩුකාරවරිය නියෝග දෙයි

ත්‍රිකුණාමලය කින්නියා කුරුඤ්ඤන්කේනි කලපුවේ පාලම් පාරුවක් පෙරළීමෙන් සිදු වූ අවාසනාවන්ත සිදුවීම පිළිබඳව වහාම පරීක්ෂණයක් පැවැත්වීමට නැගෙනහිර පළාත් ආණ්ඩුකාර අනුරාධා යහම්පත් මහත්මිය නියෝග කර තිබේ.

පළාත් පාලන කොමසාරිස් එන්.මනිවන්නන් මහතාට එම නියෝගය ලබා දී ඇත.

ඉතා කඩිනමින් එම සිදුවීමට අදාළ පරීක්ෂණය පවත්වා අදාළ පාලම් පාරුව ක්‍රියාත්මක කිරීමට අවසර දීම සහ නඩත්තු කටයුතු සිදුකළේ, කවුරුන්දැයි ඇතුළු කරුණු කාරණා ගැන වහාම තමාව දැනුවත් කරන ලෙසද ආණ්ඩුකාරවරිය අවධාරණය කර තිබේ.

එම පරීක්ෂණය පැවැත්වීම සඳහා පළාත් මහාමාර්ග අමාත්‍යංශයේ ලේකම් අයි.කේ.ජී.මුතුබණ්ඩා මහතාගේ ප්‍රධානත්වයෙන් විශේෂ කමිටුවක් පත්කර තිබේ.

ඊට අමතරව විශේෂ පොලිස් පරීක්ෂණයක්ද සිදුකරන ලෙස ආණ්ඩුකාරවරිය ත්‍රිකුණාමලය දිස්ත්‍රික්කය භාර නියෝජ්‍ය පොලිස්පතිවරයාට උපදෙස් දුන්නාය.

සිද්ධියෙන් කුඩා ළමුන් ඇතුළු හයදෙනෙකු ජීවිතක්ෂයට පත්ව ඇති අතර තවත් විසිදෙනෙකු පමණ රෝහල් ගත කිරීමට කටයුතු කර ඇත.

එම අවාසනාවන්ත සිදුවීමෙන් ජීවිතක්ෂයට පත් පුද්ගලයන්ගේ ඥාතීන් වෙත සිය දැඩි සංවේගය ප්‍රකාශ කරන බවද ආණ්ඩුකාරවරිය සඳහන් කර තිබේ.

අදාළ සිදුවීම සිදුවූ අවස්ථාවේදීම විශේෂ නිලධාරින් පිරිසක් එම ප්‍රදේශයට පිටත් කර යවා සිදුවීම සම්බන්ධයෙන් කරුණු සොයා බැලීමටද ඇය වැඩිදුරටත් කටයුතු කළාය.

මේ අවස්ථාවේ ඉතා සන්සුන්ව කටයුතු කරන ලෙස ආණ්ඩුකාරවරිය ප්‍රදේශවාසී ජනතාවගෙන් ඉල්ලිමක්ද කළාය.

Related Articles

LEAVE A REPLY

Please enter your comment!
Please enter your name here

Latest Articles