Friday, May 20, 2022

පුටින්ගේ පෙම්වතියට එරෙහිව පෙත්සමක්

රුසියන් ජනාධිපති ව්ලැදිමීර් පුටින්ගේ රහස් පෙම්වතිය ලෙස සැලකෙන 38 හැවිරිදි අලීනා කබෝවා ද පුටින් විරෝධවාදීන්ගේ උදහසට ලක් වී සිටින්නීය. අලීනා දක්ෂ ජිම්නාස්ටික් ශූරියකි.

අලීනා කබෝවා තමන්ගේ පෙම්වතිය යැයි රුසියානු ජනාධිපති පුටින් කිසිදු අවස්ථාවක පිළිගෙන නැත. අලීනාට දරු දෙදෙනකු සිටින බවත් ඔවුන්ගේ පියා පුටින් බවත් ඕපාදූප වෙබ් අඩවි පවසයි.

පසුගිය පෙබරවාරි 24 වැනිදා ජනාධිපති පුටින්, යුක්රේනය ආක්‍රමණය සඳහා රුසියන් හමුදා මෙහෙයවද්දී, අලීනා කබෝවා සහ දරුවන් ස්විට්සර්ලන්තයට යැවීමට පියවර ගත්තේය.

ස්විට්සර්ලන්තයේ රැඳී සිටින අලීනා, වහා එරටින් නෙරපා දමන්නැයි රුසියාවේත්, යුක්රේනයේත්, බෙලරුස් රාජ්‍යයේත් සිටින පුටින් විරෝධීන් අන්තර් ජාලය හරහා පෙත්සමක් සකස් කර ඇත. එම පෙත්සමට මේ වනවිට අත්සන් 55,000 ක් ලැබී ඇතැයි බටහිර මාධ්‍ය වාර්තා කරයි.

අලීනා කබෝවා, පුටින්ගේ කීමට අනුව, රුසියානු දේශපාලනයට ද සම්බන්ධ වූ තැනැත්තියකි. ඇය වසර 6 ක් පාර්ලිමේන්තු නියෝජිතවරියක ලෙස පුටින්ගේ එක්සත් පාලක පක්ෂය නියෝජනය කළාය.

ඇයට රට තුළ සිටිය හැකිදැයි සොයා බලන ලෙස ස්විට්සර්ලන්ත බලධාරීන්ගෙන් ඉල්ලා සිටින බවද ඔවුන් සඳහන් කරනවා.

ජනාධිපති පුටින් යුක්රේනය ආක්‍රමණයට පෙර අලීනා කබෝවා සහ දරුවන් ස්විට්සර්ලන්තයට යැවීමට පියවර ගෙන තිබුණා.

(ඩේලිමේල්)

Related Articles

LEAVE A REPLY

Please enter your comment!
Please enter your name here

Latest Articles