Friday, March 29, 2024

බච්චන්ට තුවාලයි.. පළාතක එන්න එපා!

සුපිරි බොලිවුඩ් නළු අමිතාබ් බච්චන් චිත්‍රපටයක රූගත කිරීමක් අතරතුර තුවාල ලබා ඇතැයි  ඉන්දීය මාධ්‍ය වාර්තා කර ඇත.

ඔහුගේ මීළඟ චිත්‍රපටය වන “ප්‍රොජෙක්ට් කේ” ච්ත්‍රපටයේ ක්‍රියාදාම දර්ශනයක් රුගත කරන අවස්ථාවේ අමිතාබ් බච්චන් මහතා මෙසේ තුවාල ලබා තිබේ.

රූගත කිරීම අතරතුර තමාගේ ඉළ ඇටවලට හානි වූ බවත් ඒ හේතුවෙන් හුස්ම ගැනීමට සහ සෙලවීම වේදනාකාරී වූ බවත් අමිතාබ් බච්චන් මහතා සිය බ්ලොග් අඩවියේ සටහනක් තබමින් පවසා තිබේ. 80 වැනි වියේ පසුවන අමිතාබ් බච්චන් මහතා හයිද්‍රාබාද් නගරයේදී රූගත කිරීම් සඳහ සහභාගී වී තිබේ.

වෛද්‍ය ප්‍රතිකාර ලබා ගැනීමෙන් අනතුරුව තම නිවසේ විවේක ගනිමින් සිටින බවත් සම්පූර්ණ සුවය ලැබීමට සති කිහිපයක් ගතවනු ඇති බවත් අමිතාබ් බච්චන් මහතා පවසා ඇත.ඉළ ඇට වලට හානි වීම හේතුවෙන් ඉක්මන් සුවය ප්‍රර්ථනා කිරීමට නිවස අසලට පැමිණෙන්නන් මුණගැසීමට අපහසු බවද බච්චන් මහතා ප්‍රකාශ කර තිබේ.
 
ඒ හේතුවෙන් තමාට ඉක්මන් සුවය ප්‍රර්ථනා කිරීමට නොපැමිණෙන ලෙසත් එසේ පැමිණීමට බලාපොරොත්තු වන්නන් සිටීනම් තම පණිවිඩය හැකිතාක් ලබා දෙන ලෙසත් බච්චන් මහතා ඉල්ලීමක් කර ඇත.

Related Articles

LEAVE A REPLY

Please enter your comment!
Please enter your name here

Latest Articles