කොවිඩ් වසංගත සීමාවන් සහ ආරක්ෂක හේතූන් උපුටා දක්වමින් හොංකොං බලධාරීන් විසින් එහි නායක ජෝන් ලීගේ සමාරම්භක උත්සවය ආවරණය කිරීම තෝරාගත් මාධ්‍ය ආයතන කිහිපයක් සඳහා තහනම් කර තිබේ.
තහනම් කරන ලද මාධ්‍ය ආයතන බොහොමයක් ලියාපදිංචි ඒවා බවත් රජයේ මාධ්‍ය සාකච්ඡා සඳහා නිතිපතා සහභාගී වන ඒවා බවත් හොංකොං මාධ්‍ය වාර්තා කරයි.
බැහැර කරන ලද මාධ්‍ය ආයතන ලැයිස්තුවට ජපානයේ Nikkei, Asahi Shimbun, සහ Kyodo News, තායිවානයේ CTV, ඇමරිකානු Getty Images මෙන්ම හොංකොං InMedia, සහ හොංකොං නිදහස් මුද්‍රණාලය ඇතුළත් වේ.
පසුගියදා ප්‍රකාශයක් නිකුත් කරමින් හොංකොං මාධ්‍යවේදීන්ගේ සංගමය කියා සිටියේ මෙම පියවර පිළිබඳව තමන් දැඩි කනස්සල්ලට පත්වන බවයි.
පසුගිය මාසයේ, චීන ජනාධිපති ෂී ජින්පිං, අලුතින් පත් කරන ලද හොංකොං ප්‍රධාන විධායක නිලධාරියා හමුවූ අතර ලීගේ මැතිවරණ ජයග්‍රහණය සහ මධ්‍යම ආන්ඩුව විසින් පත් කිරීම සම්බන්ධයෙන් ඔහුට සුබ පැතුවේය.
ප්‍රජාතන්ත්‍රවාදී ව්‍යාපාරය මර්දනය කිරීම අධීක්ෂණය කළ හොංකොං හි හිටපු ආරක්ෂක ප්‍රධානියා ලී ය.
