Sunday, December 4, 2022

ලෝකයේ පෙළගැස්ම ගැන ඉන්දියාවෙන් තීරණාත්මක ප්‍රකාශයක්

රටවල් කිහිපයක් අනෙක් ඒවාට වඩා උසස් යැයි සලකන ලෝක පිළිවෙලක් ඉන්දියාව විශ්වාස නොකරන බව එරට ආරක්ෂක අමාත්‍ය රාජ්නාත් සිං ප්‍රකාශ කර තිබේ.

ජාතික ආරක්ෂක විද්‍යාලයේ දේශනයකදී ඔහු සයිබර් ප්‍රහාර සහ තොරතුරු යුද්ධය වැනි නැගී එන ආරක්ෂක තර්ජනවලට එරෙහිව නැගී සිටීමට ජාත්‍යන්තර ප්‍රජාවේ සාමූහික උත්සාහයන් හි වැදගත්කම අවධාරණය කරනු ලැබිණ.

එහිදී ඔහු පැවසූයේ තොරතුරු යුද්ධය දේශපාලන ස්ථාවරත්වයට තර්ජනයක් විය හැකි බවයි.

රුසියාව සහ යුක්රේනය අතර පවතින ගැටුමේ දී තොරතුරු යෙදවීම වඩාත් පැහැදිලි වූ බවත් ගැටුම පුරාවටම සමාජ මාධ්‍ය දෙපාර්ශවයටම යුද්ධය පිළිබඳ තරඟකාරී ආඛ්‍යාන පැතිරවීමටත් ගැටුම ඔවුන්ගේම කොන්දේසි මත නිරූපණය කිරීමටත් යුධ පිටියක් ලෙස සේවය කර ඇති බව ඔහු මෙහිදී පෙන්වා දුන්නේය.

මෝදි රජයේ ප්‍රධාන අවධානය ජාතික ආරක්ෂාව බවත් රටේ පූර්ණ හැකියාවන් ප්‍රයෝජනයට ගත හැක්කේ එහි අවශ්‍යතා ආරක්ෂා කළ විට පමණක් බවත් ඔහු අවධාරණය කළේය.

ඉන්දියාවේ උපායමාර්ගික ප්‍රතිපත්තියේ හැසිරීම සදාචාරාත්මක විය යුතු බව ප්‍රකාශ කරමින් අමාත්‍යවරයා පැවසූයේ ස්වල්ප දෙනෙක් අනෙක් අයට වඩා උසස් යැයි සලකන ලෝක ක්‍රමයක් ඉන්දියාව විශ්වාස නොකරන බවයි.

Related Articles

LEAVE A REPLY

Please enter your comment!
Please enter your name here

Latest Articles