Thursday, February 2, 2023

පාකිස්තානය ජනමාධ්‍යවේදීන් සඳහා වඩාත්ම භයානක රටක් බව හෙළිවේ

ජනමාධ්‍යවේදීන් සඳහා වඩාත්ම භයානක රටවලින් එකක් ලෙස පාකිස්තානය තවදුරටත් පවතින බව ‘දේශසීමා රහිත ජනමාධ්‍යවේදීන්ගේ සංවිධානය'(Reporters Without Borders) අනාවරණය කරයි.

එම සංවිධානය නිකුත් කළ වාර්තාවකට අනුව, ජනමාධ්‍ය නිදහස තර්ජනයට ලක්ව ඇති රටවල් ලැයිස්තුවේ පාකිස්තානය පස්වන ස්ථානයට පත්ව ඇත.

2003 වසරේ සිට මේ දක්වා පාකිස්ථානයේ මාධ්‍යවේදීන් 93 දෙනෙකු ඝාතනය කර ඇති බවයි එම වාර්තාවේ දැක්වෙන්නේ.

මෙම ලැයිස්තුවේ පාකිස්ථානයේ ස්ථාවරය එහි නායකයන්ට අවමානයක් බවත්, නිල වශයෙන් යුද්ධයක් සිදු නොවන නමුත් පාකිස්තානය තවමත් මාධ්‍යවේදීන්ට ආරක්ෂිත නොවන රටවල් ලැයිස්තුවට අයත් වන බවත්, දේශසීමා රහිත ජනමාධ්‍යවේදියෝ පෙන්වාදෙති.

අදාළ වාර්තාවට අනුව, පාකිස්තානයේ මාධ්‍යවේදීන්ව සටන්කාමීන්, කැරලිකරුවන් සහ හඳුනා නොගත් රාජ්‍ය කැරලිකරුවන් විසින් මරා දමා ඇති අතර එම මිනීමරුවෝ නිදහසේ පසුවෙති.

කෙන්යාවේදී අභිරහස් ලෙස මියගිය මාධ්‍යවේදී අර්ෂාඩ් ෂරීෆ්ගේ මරණය උපුටා දක්වමින් එම වාර්තාව සඳහා කර ඇත්තේ,  පාකිස්තාන මාධ්‍යවේදීන් සහ ආණ්ඩුවේ විරුද්ධවාදීන් රටින් පිටතදී පවා තර්ජනවලින් ආරක්‍ෂිත නොමැති බවයි.

Related Articles

LEAVE A REPLY

Please enter your comment!
Please enter your name here

Latest Articles