ඉන්දියාව සහ කැනඩාව අතර වන සබදතා තර කර ගැනීම‍ට කැනඩා අගමැති ජස්ටන් ටෘඩෝ සහ ඉන්දීය අගමැති නරේන්ද්‍ර මෝදි එකගතාවයක‍ට පැමිණ තිබේ.
මේ අතර ඉන්දීය අග්‍රාමාත්‍ය නරේන්ද්‍ර මෝදි බාලි සමුළුවට සමගාමීව G-20 නායකයින් සමඟ ද්විපාර්ශවික සාකච්ඡා රැසක් පවත්වා ඇති බව ද වාර්තා වේ.
අගමැති මෝදි ඇමෙරිකානු ජනාධිපති ජෝ බයිඩන්, ප්‍රංශ ජනාධිපති එමානුවෙල් මැක්‍රොන් සහ අලුතින් පත් වූ බ්‍රිතාන්‍ය අගමැති රිෂි සුනක් සමඟ සටහන් හුවමාරු කර ගත් අතර, ඔහු කැනඩා අගමැති ජස්ටින් ටෘඩෝ සමඟ දීර්ඝ ද්විපාර්ශ්වික සාකච්ඡාවක් පවත්වා තිබේ.
කැනඩාවට ඉන්දියාව සමඟ ආර්ථික සබඳතා ගැඹුරු කිරීමට අවශ්‍ය වන අතර ඉන්දියාව සමඟ සමීප සබඳතා අවශ්‍ය බවට පැහැදිලි දර්ශකයක් විදේශ අමාත්‍ය මෙලනි ජොලි G-20 සමුළුව ආසන්නයේ කළ ප්‍රකාශයෙන් පැහැදිලි වන බව ද මාධ්‍ය වාර්තා කර ඇත.
ජොලි අමාත්‍යවරයා විදේශ කටයුතු අමාත්‍ය එස් ජයශංකර් හමුවූයේ නොම් පෙන්හි අවසන් වූ නැගෙනහිර ආසියානු සමුළුවේදීය.
කැනඩාවේ විදේශ අමාත්‍ය ජොලි ඉන්දියාවේ නායකත්වය සහ බලපෑම ගෝලීය වේදිකාවේ තවදුරටත් වර්ධනය වනු ඇතැයි අපේක්ෂා පළ කර ඇත.
චීනයේ නැඟී එන බලපෑම සලකා බලන විට, ලෝකයේ විශාලතම ප්‍රජාතන්ත්‍රවාදී රාජ්‍යය වන ඉන්දියාවේ කැපී පෙනෙන ගමන්මග ද සැලකිල්ලට ගත යුතු බව ජී 20 සමුළුව සඳහා පිටත්ව යාමට පෙර ටොරොන්ටෝ හි කැනඩාවේ ආසියා පැසිෆික් පදනම අමතමින් ජොලි පැවසීය.
