COURTESY | NEWS19 | SHEHAN GUNASEKARA
මුව ආවරණයක් නොපැලදීම, මුව ආවරණය නිසිපරිදි නොපැළදීම, මුව ආවරණය පහත් කොට සිටිීම හෝ නිසි පරතරය තබාගෙන නොසිටීම යන සෞඛ්‍ය කාරණාවලට මැදිහත්වී පොලීසිය විසින් පුද්ගලයින් ඔසවාගෙන බස්රථයකට පටවාගෙන යෑම මේ දිනවල දිවයිනේ ස්ථාන කිහිපයකින් වාර්තා වුණා.
කෙසේ වෙතත් අදාළ ක්‍රියාව මුව ආවරණය නොපැලද සිටිනවාට වඩා භයානක තත්ත්වයකට අතවැනීමක් බවට සෞඛ්‍ය අංශ අනාවරණය කරනවා.
මේ ආකාරයෙන් පුද්ගලයින් අත්අඩංගුවට ගෙන ඔසවාගෙන යෑමට එන පොලිස් නිලධාරීන් ඇඳගෙන සිටින්නේ පෞද්ගලික ආරක්ෂණ උපකරණයක් (PPE) නොව Police යනුවෙන් සටහන්වූ වැහි කබායකි.
එමගින් කොවිඩ් වෛරසයෙන් ආරක්ෂාවන බවට ව්‍යාජ හැඟීමක් ඇතිවුවද කිසිදු ආකාරයක සෞඛ්‍යාරක්ෂාවක් ඉන් නොලැබෙන බවට වෛද්‍යවරුන් අදහස් පලකරනවා.
එමෙන්ම සෞඛ්‍ය බලධාරීන් පෙන්වා දෙන්නේ එක් පුද්ගලයෙකුගෙන් තවත් පුද්ගලයෙකුට ආසාදනය පැතිරීම (Cross Infection) වළක්වා ගැනීමට නම් එක් පුද්ගලයෙකු ඔසවාගෙන ගොස් ඊළඟ පුද්ගලයාට ළං වීමට පෙර PPE උපාංග අළුතින් පැළඳගත යුතු බවයි.
මෙලෙස වැහිකබා ඇඳ කරන ජනප්‍රියවාදී අමනෝඥ ක්‍රියාවෙන් මහජනතාව පමණක් නොව පොලිස් නිලධාරීන් හා ඔවුන්ගේ පවුල්වල සාමාජිකයන්ද තවදුරටත් මෙම මාරාන්තික වසංගතයෙන් අනාරක්ෂිත බවට වෛද්‍යවරුන් අදහස් පලකරනවා.
