සෞඛ්‍ය ක්ෂේත්‍රය සඳහා වෙන් කළ මුදල මෙවර අයවැයෙන් රුපියල් බිලියන 67 කින් අඩු කර ඇතැයි හිටපු අග්‍රාමාත්‍ය සහ කොළඹ දිස්ත්‍රික් මන්ත්‍රී රනිල් වික්‍රමසිංහ මහතා (එජාප) පාර්ලිමේන්තුවේ දී ඊයේ (16) පැවසීය .
මුදල් ඇමතිවරයා මේ පිළිබඳව පාර්ලිමේන්තුවට පිළිතුරක් දිය යුතු බව ද හිටපු අග්‍රාමාත්‍යවරයා කීය.
පසුගිය අයවැයෙන් සෞඛ්‍ය ක්ෂේත්‍රය සදහා රුපියල් බිලියන 301ක් වෙන්කර තිබූ නමුත් මෙවර අයවැයෙන් වෙන්කර තිබෙන්නේ රුපියල් බිලියන 234ක් පමණක් බව කී හිටපු අග්‍රාමාත්‍යවරයා ඒ අනුව බිලියන 67 ක මුදලක් අඩු කර තිබෙන බව සඳහන් කළේය.
මෙලෙස මුදල් අඩු කර කොරෝනා හෝ වෙනත් වසංගතයක් පාලනය කෙරෙන්නේ කෙසේදැයි රනිල් වික්‍රමසිංහ මහතා ප්‍රශ්න කළේය
