නව ආණ්ඩුක්‍රම ව්‍යවස්ථාවක් සම්පාදනය කිරීම සඳහා පත් කරන ලද විශේෂඥ කමිටුව එළඹෙන නොවැම්බර් මාසයේදී අවසන් කෙටුම්පත ජනාධිපතිවරයා වෙත ඉදිරිපත් කිරීමට සැලසුම් කර ඇති බව වාර්තා වේ.
එම කමිටුව මේ වනවිට ඒ සදහා තවත් මාස 3ක කාලයක් ඉල්ලා ඇති අතර ජනාධිපති ලේකම් කාර්යාලය විසින් එම කාලය ලබා දී ඇති බව දැනගන්නට ඇත.
කමිටුවට සමීප ආරංචි මාර්ග පැවසුවේ රට තුළ පවතින කොවිඩ් -19 තත්ත්වය හේතුවෙන් ඇති වූ ප්‍රමාදයන් හේතුවෙන් මෙම සේවා දිගුව ඉල්ලා සිටි බවයි.
එමෙන්ම මූලික කෙටුම්පත නීති කෙටුම්පත් දෙපාර්තමේන්තුවෙන් අධ්‍යනය කරමින් සිටින බවද දැනගන්නට තිබේ.
මෙම කමිටුවේ සභාපතිත්වය ජනාධිපති නීතිඥ රොමේෂ් ද සිල්වා මහතා දරන අතර ගාමිණී මාරපන ජනාධිපති නීතිඥ මනෝහර ද සිල්වා, ජනාධිපති නීතිඥ සංජීව ජයවර්ධන, සමන්ත රත්වත්තේ, මහාචාර්ය නසීමා කමාර්දීන්, ආචාර්ය ඒ. සර්වේෂ්වරන්, මහාචාර්ය වසන්ත සෙනෙවිරත්න සහ මහාචාර්ය ජී.එච්. පීරිස්. එහි සෙසු සාමාජිකයෝ වෙති.
Mawrata News
