හිටපු ආණ්ඩුකාරවරයකු හා හිටපු ඇමැතිවරයකු වූ අලෙවි මවුලානා මහතා අද (15) පස්වරුවේ අභාවප්‍රාප්ත විය.
මිය යන විට ඒ මහතා 84 වැනි වියේ පසුවිය.
1932 වසරේ ජනවාරි 1 වැනිදා උපත ලද මවුලානා මහතා කම්කරු හා වෘත්තීය සමිති නායකයකු ලෙස සුවිසල් කාර්ය භාරයක් ඉටු කළේය.
බස්නාහිර පළාතේ පස්වැනි ආණ්ඩුකාරවරයා ලෙස කටයුතු කළ අලෙවි මවුලානා මහතා වෙළඳ වෘත්තීය සමිති හරහා 1948 දී දේශපාලනයට පිවිසියේය. 1956 වසරේදී ඔහු ශ්‍රී ලංකා නිදහස් පක්ෂයේ සාමාජිකත්වය ලබාගත් අතර චන්ද්‍රිකා බණ්ඩාරනායක රජයේ කම්කරු අමාත්‍යරයා ලෙස ද කටයුතු කළේය. ශ්‍රී ලංකා නිදහස් පක්ෂයේ උප සභාපති හා නිදහස් සේවක සංගමයේ ජ්‍යෙෂ්ඨ උප සභාපති ලෙසද මවුලානා මහතා කටයුතු කළේය.
හිටපු ජනපතිනි චන්ද්‍රිකා බණ්ඩාරනායක කුමාරතුංග මහත්මියගේ මුස්ලිම් කටයුතු උපදේශකවරයා ලෙසද කටයුතු කළ අලෙවි මවුලානා මහතා 2009 වසරේදී සබරගමුව වැඩ බලන ආණ්ඩුකාරවරයා ද විය.
