වත්මන් ආණ්ඩුවට නියමිත වසර පහක කාලය අවසන් වීමට ප්‍රථම ආණ්ඩුව බිඳ වැටෙන බව සමගි ජනබලවේගයේ මහලේකම් රංජිත් මද්දුමබණ්ඩාර මහතා සඳහන් කරයි.
ඉන්පසු පුළුල් සන්ධානයක් මගින් බලය ලබාගෙන ශක්තිමත් ආණ්ඩුවක් පිහිටුවන බවද මන්ත්‍රීවරයා පැවසීය.
එම නව පුළුල් සන්ධානයට එක් වීම සඳහා ආණ්ඩුවෙන් පිරිසක් ද මේ වන විට සමගි ජන බලවේගය සමග සාකච්ඡා කරන බවත් මන්ත්‍රීවරයා සඳහන් කළේය.
වත්මන් ආණ්ඩුව තවදුරටත් රට පාලනය කරනවාට ජනතාවද අකමැති බවද හෙතෙම පෙන්වා දෙයි.
ඔහු මේ බව සඳහන් කළේ මහනුවර ප්‍රදේශයේදී මාධ්‍යවේදීන් වෙත අදහස් පළ කරමිනි.
