ඇමරිකා එක්සත් ජනපදයේ මධ්‍යම ප්‍රාන්ත කිහිපයකට බලපෑ ටොනේඩෝ සුළි සුළං හේතුවෙන් පුද්ගලයන් 80කට වැඩි සංඛ්‍යාවක් ජීවිතක්ෂයට පත්ව ඇති බව විදෙස් මාධ්‍ය වාර්තා කරනවා.
විදෙස් මාධ්‍ය වාර්තා කර සිටියේ ගතවු පැය කිහිපය තුල Arkansas, Illinois, Kentucky, Missouri, Mississippi සහ Tennessee යන ප්‍රාන්ත වලට බලපෑ ටෝර්නේඩෝ 30කට අධික සංඛ්‍යාවක් හේතුවෙන් සිදුවී ඇති ජිවිත හා දේපල විනාශය අතිමහත් බවයි.
මෙම ටොනේඩෝ තත්ත්වයෙන් ගොඩනැගිලි සහ නිවෙස් කඩා වැටීමෙන් බොහෝ දෙනෙක් ඒ තුළ සිරවී සිටින බවයි විදෙස් වාර්තා සඳහන් කරන්නේ.
කෙසේ වෙතත් කෙන්ටකි ආණ්ඩුකාර ඇන්ඩි බෙෂෙයර් පවසන්නේ මෙම ආපදා තත්ත්වයෙන් මියගිය සංඛ්‍යාව 100 ඉක්මවිය හැකි බවයි.
මෙම හදිසි ආපදා තත්ත්වයෙන් බලපෑමට ලක්වූ ප්‍රදේශවලට හදිසි සහනාධාර අරමුදල් නිකුත් කිරීමට ජනපති ජෝ බයිඩ්න් පියවර ගෙන ඇති බවට විදෙස් මාධ්‍ය තොරතුරු වාර්තා කරනවා.
