ඉන්සි සිමෙන්ති ලංකා සමාගම සිය මෙහෙවරෙහි සුවිශේෂී සන්ධිස්ථානයක් සනිටුහන් කරමින් ජාතික ඉදිකිරීම් ක්ෂේත‍්‍රය නංවාලීමට, ක්ෂේත‍්‍රය සඳහා අවශ්‍ය නවෝත්පාදන නිර්මාණය කිරීම සඳහා i2i විවෘත සහයෝගීතා අවකාශයක් හඳුන්වා දී තිබේ.
ඉන්සි සිමෙන්ති හි අලෙවිකරණ, විකුණුම් හා නවෝත්පාදන විධායක උප සභාපති යෑන් කුනික් පෙන්වා දුන්නේ නවෝත්පාදනයන් සමාගමට මෙන්ම ශී‍්‍ර ලංකාවට ඉතාම වැදගත් බවයි. එහිදී ඔහු මෙසේ ද පැවසීය.
‘‘අපගේ i2i වැඩසටහන මඟින් මෙම කර්මාන්තයට සම්බන්ධ සියලූ දෙනාටම, විවෘත සහයෝගීතා අවකාශයක් ලබා දීම සැලකිය යුතු කරුණක්. නව්‍ය තිරසාර කොන්ක‍්‍රීට් සහ සිමෙන්ති විසඳුම් පදනම් කරගත් නිෂ්පාදන සංවර්ධනය කිරීම, හුවමාරුකර ගැනීම, ඉගෙනීම සහ පරීක්ෂා කිරීම සඳහා ඔවුන්ට මෙම අවකාශය භාවිතා කළ හැකියි. කර්මාන්තය සඳහා අවශ්‍ය විවිධ වර්ගයේ පර්යේෂණ මොඩියුල 40 කට වඩා අපගේ විශේෂිත ක‍්‍රියාකාරී අවකාශයන් තුළ පරික්ෂා කිරීමේ හැකියාව පවතිනවා. අප ලබා දෙන පරීක්ෂණ 40 න් 15 ක් පමණ කර්මාන්තයට හා ඉදිකිරීම් වෙළඳපොළට නව්‍ය ඒවා වන අතර 10 කට වඩා වැඩි ප‍්‍රමාණයක් මගින් කාර්මික අංශය ආවරණය කෙරෙනවා.’’
මෙහි ප‍්‍රතිඵලයක් වශයෙන් , ඉන්සි සිමෙන්ති හි නව තිරසාරත්වයෙන් ඉහළ සහ වඩා කාර්යක්ෂම නිෂ්පාදන මගින් ලබා දෙන විසඳුම් තුළින්, මෙරට ඉදිකිරීම් කේෂේත‍්‍රයට සාම්ප‍්‍රදායික සාමාන්‍ය සිමෙන්ති නිර්මාණ සහ සරල කොන්ක‍්‍රීට් නිර්මාණ වලින් ඔබ්බට ගමන් කිරීමට හැකිවී ඇත.
