සිනොපාර්ම් එන්නත ලබා ගත් අයට සමහර රටවලට ඇතුළු වීමට ඉඩ නොදෙන බවට බොහෝ පුද්ගලයන් විශ්වාස කරන නමුත් එය අසත්‍යයක් බව ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ ප්‍රතිජීව විද්‍යා හා අණුක විද්‍යා අධ්‍යයන අංශයේ ප්‍රධානි මහාචාර්ය නීලිකා මලවිගේ මහත්මිය පැවසුවාය.
චීනයේ නිෂ්පාදිත එම එන්නත ලෝක සෞඛ්‍ය සංවිධානයේ ලියාපදිංචි කර ඇති හෙයින් එය විශ්වාසදායක එන්නතක් බවද ඇය කීවාය.
ඇතැම් රටවලට ඇතුල්වීමේදී ලබාගෙන තිබිය යුතු එන්නත් වර්ග පිළිබඳව තොරතුරු විකෘති කර ඇති බවද මලවිගේ මහත්මිය සඳහන් කළාය.
