සීගිරිය නැරඹීම සඳහා විදේශීය සංචාරකයන් පිරිසක් පැමිණි බව මධ්‍යම සංස්කෘතික අරමුදලේ සීගිරිය ව්‍යාපෘති කළමනාකරු උපුල් නිශාන්ත මහතා පවසනවා.
ඉන්දියාව මෙන්ම යුරෝපීය රටවල්වල සංචාරකයන් මේ දිනවල සීගිරියට පැමිණෙන බව සීගිරි සංචාරක මඟ පෙන්වනනෝ ද සඳහන් කරනවා.
යුරෝපීය රටවල්වලින් වැඩි සංචාරකයන් යුගල් වශයෙන් සහ තනි වශයෙන් පැමිණෙමින් සිටින ආකාරයත් ඔවුන් මෙරට පැමිණ වර්තමාන සංචාරක තත්ත්වය පිළිබඳව සොයා බලා ඔවුන්ගේ පවුල්වල සහ රටේ අනෙකුත් අයට දැනුම් දීම් සිදු කරන බව සඳහන්.
සීගිරියට පැමිණ සිටි ජර්මන් ජාතික සංචාරකයින් පිරිසක් කියා සිටියේ මෙරට සෞඛ්‍ය සෞඛ්‍යාරක්ෂිතව සංචාරය කිරීම සඳහා අවශ්‍ය සියලු පහසුකම් සපයා ඇති බවයි.
සංචාරක ව්‍යාපාරය හෝටල් මෙන්ම අනෙකුත් ස්ථාන ද සෞඛ්‍යාරක්ෂිතව පවතින බවත් ඉතා ලස්සන ලංකාව සංචාරය කිරීම සඳහා පැමිණෙන ලෙස තමන් ද ඉල්ලීමක් කරන බව ඔවුන් පවසනවා.
සංචාරක මඟපෙන්වන්නන් කියා සිටියේ මාස ගණනාවකට පසුව තම රැකියාව සිදු කරගැනීම සඳහා හැකියාව පවතීන බවත් රජය ලබාදුන් තීන්දු තීරණ නිසා සංචාරක ව්‍යාපාරය ඉදිරියේ දී සාර්ථක වනු ඇති බවට ද ඔවුහු විශ්වාසය පළ කරන බවයි
