සෞඛ්‍ය අමාත්‍ය කෙහෙළිය රඹුක්වැල්ල පදිංචිව සිටින නිල නිවසේ පාවිච්චි කර ඇති ජල බිල්පත්වල හිඟ එකතුව රුපියල් ලක්ෂ 18ක් හෙවත් රුපියල් 1,845,670.93 ක් බව වාර්තා වේ.
එහෙත්, ඔහුගේ හිඟ මුදල් නොගෙවීම සම්බන්ධයෙන් ප්‍රමාණවත් තරම් පියවර ජල සම්පාදන මණ්ඩලය ගෙන නැත.
මෙම හිඟ මුදල සෞඛ්‍ය අමාත්‍යවරයා පදිංචි වී සිටින 400/52 එම්, බුලර්ස් පාර, කොළඹ 07 දරණ නිල නිවසේ 2018 වසරේ ජනවාරි මාසයේ සිට 2021 වසෙර් ඔක්තෝබර් මාසය තෙක් ගෙවා නොමැති හිඟ මුදල වේ.
රඹුක්වැල්ල මහතා පදිංචි නිල නිවසේ 2021 සැප්තැම්බර් මස 19 වන දිනට නිකුත් කර ඇති ජල බිල්පත අනුව එම මසට අදාලව ගෙවිය යුතු මුළු මුදල 84,186.43ක් වේ.
ඒ අනුව 2021 ඔක්තෝබර් 18 දිනට නිකුත් කර ඇති ජල බිල්පතේ එම මසට අදාලව ගෙවිය යුතු මුළු මුදල ලෙස 66,948.87 ක් සදහන් වී ඇත.
ඔහුගේ මාසික ජල පරිභෝජනය රුපියල් 50,000 ඉක්මවූ සාමාන්‍යයක් ගෙන ඇත.
