ඛනිජ තෙල් නීතිගත සංස්ථාවේ ආරක්ෂක සහකාර නව බදවා ගැනීම් තරග විභාගයේ ප්‍රශ්න පත්‍රය කළින් පිටවේ…
අසාධාරණය වලකාලමින් යළි විභාගය පවත්වන ලෙස අපේක්ෂකයින් ඉල්ලයි
ඛනිජ තෙල් සම්පත් සංවර්ධන අමාත්‍යාංශයට අයත් ලංකා ඛනිජ තෙල් නීතිගත සංස්ථාවේ ආරක්ෂාක සහකාර තනතුරට බදවා ගැනීම සදහා ඊයේ (18) පැවති තරග විභාගයේ ප්‍රශ්න පත්‍රය විභාගය පෙර පිටවී තිබේ.
විභාගය ආරම්භ වීමට පෙර, අදාල විභාගය පැවති දෙමටගොඩ ශාන්ත මැතිව් විද්‍යාලයේ පංති කාමරයක මේසයක් උඩ තිබී අත් අකුරින්- ප්‍රශ්න හා පිළිතුරු ලියූ කඩදාසි කිහිපයක් හමූ වී ඇත.
පසුව සොයා ගෙන ඇත්තේ, මෙම ප්‍රශ්න හා පිළිතුරු එදින සී-4 ශ්‍රේණියේ ආරක්ෂක සහකාර තනතුරට බදවා ගැනීම වෙනුවෙන් පැවති විභාගයේ ප්‍රශ්න හා එක හා සමානව සැසදෙන බවයි. මෙම ප්‍රශ්න පත්‍රය ව්‍යූහගත ප්‍රශ්නාවලියකින් සහ බහුවරණ ප්‍රශ්න පත්‍රයක් ලෙස සකසා තිබූ අතර පිළිතුරු ලියූ පසු ප්‍රශ්න පත්‍රය ඒකරාශී කර ගෙන තිබේ.
මෙම විභාගයේ විනිවිදභාවය හා සැබෑ සුදුසුකම් සපුරන පුද්ගලයින්ට මෙම තනතුර සදහා ඇතුළත් වීමේ අයිතිවාසිකම මෙමගින් ඇහිරී ඇති හෙයින්, මෙම විභාගය යළි පවත්වන ලෙස විභාගයට පෙනී සිටි අයදුම්කරුවෝ ඉල්ලා සිටින අතර මේ අතරන් සමහර දෙනෙක් පවසන්නේ මෙම පිටවූ ප්‍රෂණ පත්‍රයට සමාන ප්‍රෂ්ණ පත්‍රයක් ගාල්ල ප්‍රෙද්ශෙය් අයදුම්කරුවන් සතුව පැවති බවයි.
කෙසේ වෙතත් අසාධාරණයට ලක්වූ අයදුම් කරුවන් පවසන්නේ ගල්ල ප‍්‍රදේශයේ ප‍්‍රභල ඇමතිවරයෙකුගේ ඕනෑ එපාකම් මත තම පාක්්ෂිකයින් බදවා ගැනීමට සැරසෙන බවයි.
දේශපාලන හිතවත්කම් මත බදවා ගැනීම් සිදුකල යුගය අවසන් කර යහපාලනයක් අණ්ඩුවක් බලයට ගෙනාවද රාජපක්ෂ රෙජිමයේ පරණ පුරුදු අත්හල නොහැකි සමහර ඇමතිවරුන් නිසා යහපාලනයද දියවීමට ඇති ඉඩකඩ ඇති බව බොහෝ දෙනා පවසයි
අදාල අත් අකුරින් ලියා තිබූ ප්‍රශ්න පත්‍රය පහත වේ.
