පසුගිය දිනවල විකාශය වූ රූපවාහිනී වැඩසටහන් දෙකකදී සිදුකළ ප්‍රකාශ සම්බන්ධයෙන් බොදුබල සේනාවේ මහලේකම් ගලගොඩ අත්තේ ඥානසාර හිමිට එරෙහිව පොලිස්පතිවරයා වෙත ඊයේ (24) දිනයේදී පැමිණිලි දෙකක් ඉදිරිපත් කර තිබේ.
මෙම පැමිණිලි ඉදිරිපත් කර ඇත්තේ සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා සහ සිවිල් ක්‍රියාකාරිකයකු වන නිසාර් මවුලානා මහතා විසිනි.
පාස්කු ඉරිදා බෝම්බ ප්‍රහාරයේ මහමොළකරු අල්ලාහ් දෙවියන් බව පවසා අපහාස කරමින් ජාතීන් අතර සංහිඳියාවට බාධා කිරීමත් ඉදිරියේදී එල්ලවිය හැකි තවත් අන්තවාදී ප්‍රහාරයක් පිළිබඳ තොරතුරු තමන් සන්තකයේ ඇති බව පැවසුවත් ඒවා ආරක්ෂක අංශවෙත ලබා නොදීම තුළින් අපරාධයක තොරතුරු වසන් කිරීමත් සම්බන්ධයෙන් මෙසේ ඥානසාර හිමියන්ට එරෙහිව පොලිස්පතිවරයා වෙත පැමිණිලි කර ඇති බව සඳහන්.
Lanka News Web
