ඩීසල් මිල ඉහළයාම පිළිබඳව පමණක් අවධානය යොමු කරමින් බස් ගාස්තු සංශෝධනය කර ඇති බැවින් අන්තර් පළාත් බස්රථ සේවාවන් නවතා දැමීමට සිදුවන බව අන්තර් පළාත් පෞද්ගලික බස් හිමියන්ගේ සංගමය පවසනවා.
බස් ගාස්තුව 15 % කින් පමණක් වැඩිකිරීම කිසිසේත්ම දුරගමන් සේවාවන් පවත්වාගෙන යෑම සදහා ප්‍රමාණවත් නොවන බව අන්තර් පළාත් පෞද්ගලික බස් හිමියන්ගේ සංගමය සඳහන් කරනවා.
ඩීසල් මිල පමණක් නොව ටයර් සහ ටියුබ් මෙන්ම ලිහිසි තෙල් සහ වාහන සේවා ලබාගැනීමේ මිලද ඉහළ ගොස් ඇති බව අන්තර් පළාත් පෞද්ගලික බස් හිමියන්ගේ සංගමය පවසනවා.
කෙසේ හෝ ඉන්ධන මිල පමණක් සලකා බලා බස් ගාස්තු සංශෝධනය ප්‍රකාශයට පත් කළහොත් අන්තර් පළාත් සහ දුර ගමන් සේවා ක්‍රියාත්මක කිරීම නතර කිරීමට සිදුවනු ඇති බව අන්තර් පළාත් පෞද්ගලික බස් හිමියන්ගේ සංගමය පවසනවා.
මේ අතර බස් ගාස්තු 50% කින් ඉහළ දැමිමට සිදුවන බව සමස්ථ ලංකා බස් රථහිමියන්ගේ සංගමය පවසනවා.
ඒ ලංකා ඛනිජ තෙල් සංස්ථාව සහ අයි.ඕ.සී සමාගම විසින් ඉන්ධන මිල ඉහළ දැමීම හේතුවෙනි.
ඒ අනුව අවම ගාස්තුව ඇතැළු සියලු බස් ගාස්තු සියයට 50 කින් වැඩි කිරීමට සිදුවන බව සමස්ථ ලංකා බස් රථහිමියන්ගේ සංගමය පවසනවා.
