අද වන විට රට තුළ ඇති අර්බුද හේතුවෙන් ආහාර හිඟයක් ඇතිවීමට ඉඩ තිබෙන බව කෘෂිකර්ම අමාත්යාංශ ලේකම් මහාචාර්ය උදිත් ජයසිංහ මහතා පවසයි.
කිසියම් ලෙසකින් ආහාර අර්බුදයක් ඇති වුවහොත් ආහාර හුවමාරු ක්රමවේදයකට යා යුතු බවයි ඔහු කියන්නේ. උදාහරණයක් ලෙස ඔහු පෙන්වා දෙන්නේ “අප සතුව බඩඉරිඟු අතිරික්තකයක් ඇති නම් වෙනත් රටකින් ඊට සරිලන වෙනත් ආහාර ප්රමාණයක් ලබාදෙන ලෙස ඉල්ලා සිටිය හැකියි” බවයි.
ආහාර අර්බුදයකට රට පත් වුවහොත් ආහාර අත්යවශ්යම කාණ්ඩ වන ගැබිනියන්, මව්වරුන්, දරුවන්, රෝගීන් සදහා ප්රමුඛතාව ලබා දී තරුණයින් වැනි කාණ්ඩ ආහාර අවම කිරීමේ වැඩපිලිවෙලකට යොමු වෙමින් කැප කිරීමක් කල යුතු බවත් ඒ මහතා සදහන් කරයි.
අත්යවශ්ය නොවන ආහාරපාන ආනයනය සීමා කර කිරිපිටි ආදී අත්යවශ්ය ද්රව්යව පමණක් ආනයනයට අවධානය යොමු කිරීම උචිත බවත් ඒ මහතා පෙන්වා දේ.
කෙසේ වෙතත් ජනතාවට ආහාර හිඟයක් ඇති කිරීමට තුන් හිතක හෝ උවමනාවක් නැති බවත ලේකම්වරයා වැඩිදුරටත් පැවසීය.
