එක්සත් ජාතික පක්ෂයේ හිටපු මහ ලේකම් මෙන්ම එක්සත් ජනතා නිදහස් සන්ධානයේ හිටපු සෞඛ්‍ය අමාත්‍යවරයාද වන හිටපු පාර්ලිමේන්තු මන්ත්‍රී තිස්ස අත්තනායක මහතා එළැඹෙන දෙසැම්බර් මස 05 දා තෙක් රක්ෂිත බන්ධනාගාර ගත කිරිමට කොළඹ මහාධිකරණ විනිසුරු කුසලා සරෝජනී වීරවර්ධන මහත්මිය අද (19දා) නියෝග කළාය.
පසුගිය ජනපතිවරණ සමයේදී පොදු අපෙක්ෂකයාව සිටි මෛත්‍රීපාල සිරිසේන මහතාගේ හා එවකට විපක්ෂ නායක මෙන්ම එක්සත් ජාතික පක්ෂයේ නායකයාද වූ රනිල් වික්‍රමසිංහ මහතාගේ අත්සන් ව්‍යාජව යොදමින් කූඨ ලේඛණ සැකසීයැයි තිස්ස අත්තනායක එරෙහිව නඩු පවරා තිබේ.
