සංචාරක ශ්‍රී ලංකා කණ්ඩායම සහ දකුණු අප්‍රිකානු කණ්ඩායම අතර පළමු ටෙස්ට් ක්‍රිකට් තරගය දකුණු අප්‍රිකාවේ සෙන්චුරීයන් හිදී හෙට (26) ආරම්භවීමට නියමිතය.
කොවිඩ් -19 වෛරස ව්‍යාප්තිය හේතුවෙන් එම තරගාවලිය පැවැත්වීම කෙරෙහි දකුණු අප්‍රිකානු ක්‍රිකට් බලධාරින්ගේ දැඩි අවදානය යොමුව ඇති බවද වාර්තා වේ.
එම කණ්ඩායමේ පුහුණු සංචිතයේ සිටි ක්‍රීඩකයන් කිහිපදෙනෙකු කොවිඩ් -19ආසාදිතයින් බවට හඳුනාගැනීමෙන් පසු පසුගිය 23 වනදා නව සංචිතයක් ප්‍රකාශ කෙරුණි.
එහිදී ඉන් පෙර පැවති සංචිතයේ ක්‍රීඩකයන් කිහිපදෙනෙකු ද ඉවත් කර තිබේ.
කොවිඩ් -19 බලපෑම හේතුවෙන් දකුණු අප්‍රිකානු – එංගලන්ත තරගාවලිය ද ආසාර්ථක විය.
