දුරකථන සහ අන්තර්ජාල ගාස්තු මත පනවන ලද අසාධාරණ වැට් බදු ඉවත් කර ලෙස ආණ්ඩුවට බලකරමින් සමාජවාදී තරුණ සංගමය විසින් සංවිධානය කළ විරෝධතාවයක් අද (08) ප.ව. 4.00ට කොළඹදී පැවැත්වීමට නියමිත බව එම සංගමයේ ජාතික සංවිධායක එරංග ගුණසේකර මහතාගේ අත්සනින් නිකු කර ඇති නිවේදනයක සඳහන් වේ.
වර්තමාන ආණ්ඩුව විසින් මෑතකාලීනව පනවන ලද බදු සංශෝධන හේතුවෙන් ජනතාව ඉමහත් ගැටලුවකට මුහුණ පා ඇති බවත් විශේෂයෙන්ම දුරකථන සහ අන්තර්ජාල ගාස්තු මත පනවන ලද අසාධාරණ වැට් බදුබර හේතුවෙන් අප රටේ තාරුණ්යයද ගැටලු රැසකට මුහුණ පා ඇති බවත් එම නිවේදනයේ සඳහන් වේ.
