ති‍්‍රකුණාමලය නාවික හමුදා කඳවුරේදී නැගෙනහිර පළාත් ප‍්‍රධාන අමාත්‍ය නසීර් අහමඞ් මහතාට දිවා භෝජන සංග‍්‍රහයක් ලබා දි ඇත.
ඉතා උණුසුම් ලෙස තමා පිළිගත් බවත්, ඉතා රසවත් දිවා ආහාරයක් නාවික හමුදාවෙන් ලබාදුන් බවත්, නැගෙනහිර පළාත් ප‍්‍රධාන අමාත්‍ය නසීර් අහමඞ් මහතා පවසයි.
නාවික හමුදාවේ ආරාධනයෙන් සිංගප්පූරු වෙළෙඳ අමාත්‍යවරයා හා දූත පිරිස සමග ඊට සහභාගි වූ බවත් එ් සඳහා අමාත්‍ය මලික් සමරවික‍්‍රම මහතාද එක්ව සිටි බවත් ඒ මහතා පැවසීය.
සාම්පූර් මහා විද්‍යාලයේ පැවති උත්සවයකදී නාවික හමුදාවේ උසස් නිලධාරියෙකුට බැනවැදීම හේතුවෙන් මහ ඇමතිවරයා තම කඳවුරුවලට ඇතුළුකර නොගැනීමට නාවික හමුදාව මීට පෙර තීරණය කර තිබුනද පසුව එම තීරණය වෙනස් කරනු ලැබීය.
