ඇතැම් පොඩි අය ඇමතිකම් වලට ආසාවෙන් තමන් ඇතුළු පිරිස ආණ්ඩුවෙන් එළවා දැමීමට හදන බව බලශක්තියක් උදය ගම්මන්පිල මහතා පවසයි.
යුගදනවි බලාගාරය සම්බන්ධ ඇති වී තිබෙන ප්‍රශ්නය ගැන මාධ්‍යවේදීන් කළ විමසීමකට ප්‍රතිචාර ලෙස ඔහු මෙසේ සඳහන් කළේය.
‘සමහරු කල්පනා කරනවා වෙන්න පුළුවන් මේ කෑගහන අය යවා ගත්තොත් කරන වැරැද්ද තවත් වැඩියෙන් කරන්න පුළුවන් කියලා.
හැබැයි අපි දරන තනතුරු අවදානමකට ලක් කරලා තමයි මේ අරගලය කරන්නෙ.
මේ ගොල්ලෝ එලව ගත්තොත් අපිට ඒ අයගේ තනතුරු ගන්න පුළුවන් වෙයි කියලා හිතන අය අපිට යන්න කියන්නේ ඒකනේ.
රට අනතුරක් නම් ඒ අනතුර කරන්නේ කවුද කියන එක අදාලම නෑ කා අතින් වුණත් වැරැද්ද වැරැද්ද ම තමයි’
