ෂෙරටන් නමැති හෝටල් ව්‍යාපෘතියකට මුදල් ආයෝජනය කිරීම සම්බන්ධව විමර්ශන කටයුත්තක් සඳහා බැසිල් රාජපක්ෂ මහතාගේ සමීපතමයකු වන තිරුකුමාර් නඬේසන් මහතා ඉකුත් අප්‍රේල් 27 දින පොලිස් මූල්‍ය අපරාධ කොට්ඨාසයට කැඳවා ඇත.
ව්‍යාපාරිකයාට මේ මුදල් ලැබුණේ කෙසේද යන්න පිළිබඳව කළ විමර්ශනවල දී අනාවරණය වී ඇත්තේ එම මුදල් ඩුබායි, සයිප්‍රස්, මුරුසි ආදී රටවලින් ගිණුම්ගත වී ඇති බවයි. මුදල් ගිණුම්ගත කර ඇති ආකාරය සම්බන්ධයෙන් පොලිස් මූල්‍ය අපරාධ කොට්ඨාසය වැඩිදුර විමර්ශන ආරම්භ කර ඇති අතර අදාළ සමාගමේ කොටස්වලින් 1% ක් තිරුකුමාර් නඬේසන් මහතාට අයත්ව තිබූ බව ද හෙළි වී තිබේ.
