මධ්යම අධිවේගී මාර්ගයේ මීරිගම සිට කුරුණෑගල දක්වා දෙවන අදියර ( ඇතුගල්පුර පිවිසුම ) ජනවාරී 15 වන දින අග්රාමාත්ය මහින්ද රාජපක්ෂ මැතිතුමා සහ ජනාධිපති ගෝඨාභය රාජපක්ෂ මැතිතුමාගේ ප්රධානත්වයෙන් හෙට (15) සෙනසුරාදා දින ජනතා අයිතියට පත් කරන බව ආණ්ඩු පක්ෂයේ ප්රධාන සංවිධායක මහාමාර්ග අමාත්ය ජොන්ස්ටන් ප්රනාන්දු මහතා ප්රකාශ කරයි.
මීරිගම සිට කුරුණෑගල දක්වා ඉදිකර ඇති මධ්යම අධිවේගී මාර්ගයේ දෙවන අදියරේ දුර කි.මි 40.91 කි. පාරිසරික සහ සමාජීය බලපෑම් අවම වන පරිදි ඉදි කල මෙම අධිවේගී මාර්ග පථය නාගරික ප්රදේශ මග හරිමින් ප්රධාන වශයෙන් හිස් ඉඩම් හරහා ගමන් ගනී. මංතීරු 4 ක් යටතේ ඉදිකල මෙම මීරිගම සිට කුරුණෑගල දක්වා මාර්ග කොටස දැනට ශ්රී ලංකාවේ අලංකාරම අධිවේගී මාර්ග කොටස ලෙස හඳුනාගෙන ඇත. දේශීය අරමුදල් යොදවා දේශීය කොන්ත්රාත්කරුවන් මඟින් මෙම මාර්ග කොටස ඉදිකර ඇත. මීරිගම , නාකලගමුව , දම්බොක්ක , කුරුණෑගල සහ යග්ගපිටිය යන ස්ථානයන් හි මුදල් ගෙවීමේ කවුළු සහිතව අන්තර්හුවමාරු මධ්යස්ථාන 5 ඉදි කර ඇත. මේ සඳහා රු.බිලියන 149 ක් වැය වී ඇත
මෙි අතර මධ්යම අධිවේගී මාර්ගයේ මීරිගම – කුරුණෑගල කොටස විවෘත කිරීමට සමගාමීව තරුණ හා ක්රීඩා අමාත්යාංශය සහ මහාමාර්ග අමාත්යාංශය එක්ව ශ්රී ලංකා පාපැදි සම්මේලනයේ පූර්ණ අධීක්ෂණය යටතේ පාපැදි තරගාවලියක් අද (14) පැවැත්වෙනවා.
කාණ්ඩ 3 ක් යටතේ ජාතික හා අන්තර්ජාතික තරග නීතිරීතිවලට මෙන්ම කොරෝනා මාර්ගෝපදේශවලට යටත්ව පැවැත්වෙන මෙම පාපැදි තරගාවලියේ මුළු දුර ප්රමාණය කිලෝමීටර 80 ක්.
ත්රිවිධ හමුදාව, වරාය අධිකාරිය, දෙහිවල – ගල්කිස්ස නගර සභාව, සිවිල් ආරක්ෂක දෙපාර්තමේන්තුව ඇතුලු පාපැදි ක්රීඩා සමාජ 30 ක් පමණ මෙම තරගාවලිය නියෝජනය කිරීමට නියමිතව ඇති අතර, පාපැදි සම්මේලනයේ බලපත්රලාභී පාපැදි ක්රීඩකයින් 125 දෙනෙකුට අධික පිරිසක් ද ඊට එක්වීමට නියමිතය.
