ගුරු වැටුප් වැඩි කිරීමට මෙම අවස්ථාවේ දී හැකියාවක් නොමැති බව භාණ්ඩාගාර ලේකම් එස්.ආර්. ආටිගල පවසයි.
භාණ්ඩාගාර ලේකම්වරයා එලෙස පවසා සිටියේ, වසංගතය හමුවේ ආර්ථික කළමනාකරණය සම්බන්ධව රජයේ ප්‍රවෘත්ති දෙපාර්තමේන්තුවේ පැවති සාකච්ඡාවකදීය.
පවතින කොවිඩ් බලපෑම මත එලෙස වැටුප් වැඩි කිරීමට හැකියාවක් නොමැති බව ද ගුරුවරුන්ගේ වැටුප් වැඩි කිරීම සඳහා රුපියල් බිලියන 68ක මුදලක් වැය වන බව ද එස්.ආර්. ආටිගල එහි දී ප්‍රකාශ කළේය.
ගුරු වැටුප් වැඩි කළහොත් එය රුපියල් බිලියන 1100 දක්වා වැඩිවන බව ද එය මෙම අවස්ථාවේ රජයට දැරිය නොහැකි තත්ත්වයක් වන බව ද භාණ්ඩාගාර ලේකම්වරයා වැඩිදුරටත් ප්‍රකාශ කර සිටියේ ය.
