රුසියාව යුක්රේනයට බෝම්බ හෙලීම සඳුදා පස්වන දිනටත් පවතී. ලෝකයේ කොටසක් මේ ගැටුම නවතා රුසියාවට පීඩනයක් එල්ල කිරීමට උත්සාහ දරයි. මෙම ගැටලුව එක්සත් ජාතීන්ගේ මහා මණ්ඩලයේ (UNGA) විශේෂ හදිසි සැසිවාරය වෙත යැවීමට එක්සත් ජාතීන්ගේ ආරක්ෂක මණ්ඩලය (UNSC) සඳුදා ඡන්දය ප්‍රකාශ කළේය. යෝජනාවට පක්ෂව ඡන්ද 11ක් සහ විපක්ෂව ඡන්ද 1ක් ලැබිණි. ඉන්දියාව, චීනය සහ එක්සත් අරාබි එමීර් රාජ්‍යය නැවතත් ඡන්දය ප්‍රකාශ කිරීමෙන් ඈත් විය.
ඒ අනුව රුසියාව විසින් දියත් කරනු ලබන යුක්රේන ආක්‍රමණය හෙළා දකිමින් එක්සත් ජාතීන්ගේ ආරක්ෂක මණ්ඩලය වෙත ඉදිරිපත් වූ යෝජනාව පරාජය කිරීමට රුසියාව සමත් විය. යෝජනාවට පක්ෂව ඡන්ද 11 ක් හිමිවූ නමුත් ආරක්ෂක මණ්ඩලය තුළ නිත්‍ය සාමාජිකත්වය දරන රුසියාව තමාට එරෙහි යෝජනාවට විරුද්ධව නිෂේධ බලය භාවිතා කිරීම හේතුවෙන් අදාළ යෝජනාව ආරක්ෂක මණ්ඩලය තුළ පරාජයට පත් විය. මෙහිදී චීනය, ඉන්දියාව සහ එක්සත් අරාබි එමීර් රාජ්‍යය යන රාජ්‍යයන් ඡන්දය ප්‍රකාශ කිරීමෙන් වැළකී සිටියහ.
මෙි අතර කියෙව් අගනුවර නගරාධිපතිවරයා ප්‍රවෘත්ති ඒජන්සියට පවසා ඇත්තේ කියෙව් වෙතින් පිටවීම් වසා දමා ඇති බවයි. රුසියානු හමුදාව සෑම පැත්තකින්ම වට කර ඇත. රුසියාව බෙලරුස් සිට යුක්රේනයට බැලස්ටික් මිසයිල දියත් කර ඇති බව නිලධාරීහු පවසති. යුක්රේනයේ ප්‍රතිප්‍රහාරයෙන් තම සොල්දාදුවන් රැසක් මිය ගිය බව රුසියාව ද පිළිගෙන තිබේ. කෙසේ වෙතත්, මෙතෙක් කිසිදු සංඛ්‍යාවක් අනාවරණය වී නොමැත.
රුසියානු හමුදා යුක්රේනයේ දකුණු දිග බර්ඩියන්ස්ක් නගරය අල්ලාගෙන ඇත. යුක්රේනයට බර්ඩියන්ස්ක් හි කුඩා නාවික කඳවුරක් ද ඇත, එහි ජනගහනය 100,000කි.බටහිර සම්බාධක රුසියාව තුන්වන ලෝක යුද්ධයට තල්ලු කරන බවට බෙලරුස් ජනාධිපතිවරයා අනතුරු අඟවා තිබේ.
සීඑන්එන් වාර්තාවකට අනුව, පුටින් රුසියාවේ විශේෂ රැඳවුම් ආරක්ෂක ඒකකයට දැඩි අවධානයෙන් සිටින ලෙස ඉල්ලා තිබේ. මෙම ඒකකය න්‍යෂ්ටික අවි වලින් සමන්විත වේ.
මේ අතර යුක්රේනයේ කිව් අගනුවර බලය වෙනුවෙන් රුසියානු සහ යුක්රේන හමුදාවන් අතර පවතින ගැටුම් මේ වන විට තවදුරටත් උත්සන්න වී ඇති බව විදෙස් මාධ්‍ය වාර්තා කපෙන්වා දෙයි. යුක්රේනයේ සිවිල් පුරවැසියන් විශාල පිරිසක් අවි ආයුධ සහිතව යුද්ධය සඳහා සම්බන්ධ වීම තුළ තත්ත්වය සංකිර්ණ ස්වභාවයකට පත්ව ඇති අතර තවදුරටත් කිව් අගනුවර රැඳී සිටින යුක්රේන ජනපති වොලොදිමීර් සෙලෙන්ස්කි ආක්‍රමණිකයාට එරෙහිව අඛණ්ඩව සටන් වදින ලෙස එරට ජනතාවගෙන් ඉල්ලා සිටී. කෙසේ වුවද රුසියානු ප්‍රහාර මඟින් මේ වන විට යුක්රේන හමුදාව සතු ගොඩනැගිලි ඇතුළු යටිතල පහසුකම් විශාල ප්‍රමාණයකට දැඩි හානි එල්ල වී ඇත. හඳුනාගත් යුක්රේන හමුදා ඉලක්ක සඳහා රුසියාව විසින් කෲස් මිසයිල ප්‍රහාර මාලාවක් එල්ල කළ බව යුක්රේන ආරක්ෂක අංශ තහවුරු කොට සිටී. දැඩි ප්‍රහාර මධ්‍යයේ වුවද කිව් අගනුවර බලය තවදුරටත් ආරක්ෂා කර ගැනීමට යුක්රේන හමුදා සමත්ව ඇති නමුත් ඉදිරි පැය කිහිපයක කාලය තුළ රුසියානු ආරක්ෂක අංශ විසින් ගනු ලබන ක්‍රියාමාර්ග මත මෙම තත්ත්වය වෙනස් වීමේ ඉඩකඩ පවතී. ඊට හේතුව යුක්රේනය සිය ප්‍රතිප්‍රහාරයන් නවතා දමනු නොලබන්නේ නම් න්‍යෂ්ටික නොවන ඕනෑම ප්‍රබල අවියක් භාවිතා කිරීට රුසියාව සූදානමින් පසුවීමයි.
