ICC පන්දුවාර 20-20 ලෝක කුසලානයේදී ශ්‍රී ලංකා කණ්ඩායමේ චරිත් අසලංක ක්‍රිඩා කළ ආකාරය සම්බන්ධයෙන් සහ ඉනිම 6 කදී ලකුණු 231ක් ලබා ගනිමින් ශ්‍රී ලංකාවේ වැඩිම ලකුණු ලාභියා වීම පිළිබඳව ශ්‍රී ලංකාවේ වැඩිම ටෙස්ට් සහ එක්දින ලකුණු ලාභියා වන කුමාර් සංගක්කාර විසින් ඇගයීමකට ලක් කර කර තිබෙනවා.
කුමාර් සංගක්කාර සඳහන් කර ඇත්තේ “මම හිතන්නේ චරිත් අසලංක ඉතා හොඳින් ක්‍රිඩා කර තිබෙනවා ලෝක කුසලාන තරගාවලිය තුළ, ඔහු ශ්‍රී ලංකාව වෙනුවෙන් දිගු වෘත්තීය ජීවිතයක් ගත කරන්න පුලුවන් ක්‍රිඩකයෙක්. බොහෝ ලකුණු ලබා ගන්නා සහ බොහෝ ක්‍රීඩා ජයග්‍රහණ කරන ක්‍රීඩකයෙකු ලෙස චරිත් අසලංක හදුන්වා දීමට පුලුවන්” යනුවෙන්.
වැඩිදුරටත් අදහස් දක්වමින් කුමාර් සංගක්කාර ප්‍රකාශ කර සිටියේ චරිත් අසලංක හොඳ දඟ පන්දු සහ හොඳ වේගයක් යන දෙකටම මුහුණ දීමට ඔහුට ඇති හැකියාව අති විශිෂ්ට බවයි.
