සිංගප්පූරුවේ නිරෝධායන රීති කඩ කිරීම සම්බන්ධයෙන් බ්‍රිතාන්‍ය ජාතිකයකුට සති දෙකක සිර දඬුවමක් සහ සිංගප්පූරු ඩොලර් 1000ක දඩයක් නියම කර තිබේ. 52 හැවිරිදි නයිජල් ස්කියා සැප්තැම්බර් මාසයේ දිනක 39 හැවිරිදි අගතා මාගෙෂ් අයමාලෙයි රාත්‍රියේ හමුවීමට පඩිපෙළකට වී සිටියේය.
මේ යුවළ දැන් විවාහකය. අයමාලෙයිට ද සතියක සිර දඬුවමක් ද නියම විය. සිංගප්පූරුවට පැමිණෙන අය හෝටලයක දින 14ක් නිරෝධායනයේ ගත කළ යුතුය. පාලක නියෝගයක් උල්ලංඝනය කිරීමේ එක් චෝදනාවකට සහ මුහුණු ආවරණයක් පැලඳීමට අපොහොසත් වූ බවට වූ චෝදනාවකට මේ මස මුලදී ස්කීයා වරද පිළිගෙන තිබේ. උසාවි ලේඛනවල සඳහන් වූයේ එකම හෝටලයක කාමරයක් වෙන් කරවා ගත් අයමාලෙයි බැලීමට ස්කියා තෙවරක් රිට්ස් කාල්ටන් මිලේනියා සිංගප්පූරු හෝටලයේ සිය නිරෝධායන කාමරයෙන් පිටව ගොස් ඇති බවයි. පාලන නියෝගයක් උල්ලංඝණය කිරීමට කුමන්ත්‍රණය කළ බවට එක චෝදනාවක් අයමාලෙයි පිළිගත්තේය. සිංගප්පූරුව වසංගතය මැඩ පැවැත්වීමේ දී වඩාත් සාර්ථක රටකි. අඩු ආදායම්ලාභී සංක්‍රමණික සේවකයන් අතර විශාල පිපිරීමක් තිබියදීත්, දේශීය ආසාදන අනුපාතය මාස ගණනාවක් තිස්සේ අඩු මට්ටමක පවත්වා ගැනීමට එරටට හැකි වී ඇත.
