අබලන්වීම නිසා ධාවනයෙන් ඉවත් කර තිබූ ශ්රී ලංකා ගමනා ගමන මණ්ඩලයට අයත් බස් රථ 273ක් අලුත්වැඩියා කොට නැවත මගී ප්රවාහන පද්ධතියට එක්කිරීම අද (31) පෙරවරුවේ සිදුකර තිබේ.
ඒ ජනාධිපති ගෝඨාභය රාජපක්ෂ මහතාගේ ප්රධානත්වයෙන් කොළඹ ගාලු මුවදොර පිටියේ දීය.
දිවයින පුරා ග්රාමීය මාර්ගවල මගී ප්රවාහන අවශ්යතා සඳහා මේ බස් රථ යොදා ගනු ලැබේ.
ප්රවාහන නියාමන, බස්රථ ප්රවාහන සේවා හා දුම්රිය මැදිරි, මෝටර් රථ කර්මාන්ත රාජ්ය අමාත්ය දිලුම් අමුණුගම මහතාගේ අදහසක් අනුව ප්රවාහන අමාත්ය ගාමිණි ලොකුගේ මහතාගේ උපදේශකත්වයෙන් වැඩසටහන ක්රියාවට නැංවිණ.
දිවයින පුරා ඇති ඩිපෝ 107ක සම්පූර්ණයෙන්ම ධාවනයෙන් ඉවත් කර තිබූ බස් රථ 273ක් අලුත්වැඩියා කර ඇති අතර වැය කළ මුදල රුපියල් මිලියන 115ක් බව ජනාධිපති මාධ්ය අංශය පවසයි.
ශ්රී ලංකා පොදු ප්රවාහන සේවක සමිතියේ පූර්ණ සහය ඇතිව ශ්රී ලංකා ගමනා ගමන මණ්ඩල ඩිපෝ හා ලක්දිව ඉංජිනේරු සමාගම ව්යාපෘතිය ක්රියාත්මක කරයි.
