නව කොවිඩ් ප්‍රභේදය හේතුවෙන් රට තුළ කොවිඩ් -19 අවදානම දැඩි ලෙස ඉහළගොස් ඇති බව මහජන සෞඛ්‍ය පරීක්ෂකවරුන්ගේ සංගමය පවසයි.
එහි සභාපති උපුල් රෝහණ මහතා පැවසුවේ මෙම වසංගත තත්ත්වය පාලනය කිරීමේදී මහජනතාවගේ කැපවීම අත්‍යවශ්‍ය බවය.
“ඊයේ වාර්තා වූ නව ප්‍රභේදයත් එක්ක මේ රටේ කොවිඩ් -19 තර්ජනය ඉතාම ඉහළ ගිහින් තියෙන නිසා අපි කිසිසේත් මැලිවන්නේ නෑ මින් ඉදිරියට නිරෝධායන නීති කඩකරන සහ සෞඛ්‍ය උපදෙස් පිළිනොපදින පුද්ගලයින්ට එරෙහිව නීතිමය ක්‍රියාමාර්ග ගැනීමට. ඒ නිසා මින් ඉදිරියට අනවශ්‍ය ගෘහස්ථ උත්සව සඳහා අවසර ඉල්ලන්න සෞඛ්‍ය වෛද්‍ය නිලධාරී කාර්යාලවලට එන්න එපා. දැනට ලංකාවේ පැවැත්විය හැක්කේ සීමාවන්ට යටත්ව අවමංගල්‍ය උත්සව සහ මංගල උත්සව පමණයි. ඒ නිසා අද දිනයේ සිට අපි දැඩි නීතිමය ක්‍රියාමාර්ග ගන්නවා.” යැයි මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පැවසීය.
