පැය දෙක තුනක් එක දිගට පන්දු යැවීමට තමන්ට හැකි බවත් කිලෝමීටර් දෙකේ ශාරීරික යෝග්‍යතා පරීක්‍ෂණය සමත්වීමට නොහැකි නිසා තමන් නිවසට වී සිටින බව වේග පන්දු යවන ක්‍රීඩක ලසිත් මාලිංග පවසනවා.
ඔහු මේ බව ප්‍රකාශ කළේ රසල් ආනල්ඩ් සහ නුවන් කුලසේකර සමග වීඩියෝ තාක්‍ෂණය ඔස්සේ පැවති සංවාදයකට එක්වෙමින්.
එහිදී අදහස් දැක්වූ මාලිංග කියා සිටින්නේ තමා පන්දු 24ක් යවන බවත් එයට ඕනෑම පිතිකරුවෙකු පැමිණ යාර තිහෙ සීමාවට ඉහළින් පන්දුව පතිත වෙන ලෙස හැකිනම් පහර දෙන ලෙසයි. එම අභියෝගය එල්ල කරන්නේ තමාට පන්දු යැවිය හැකි නිසා බව මාලිංග පවසයි.
