බන්ධනාගාර කළමණාකරණ හා සිරකරුවන් පුනරුත්තාපන කිරීමේ රාජ්‍ය අමාත්‍ය ධුරයෙන් ඉවත් වූ රාජ්‍ය අමාත්‍ය ලොහාන් රත්වත්තේ මහතා තවදුරටත් මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍යවරයා ලෙස කටයුතු කරනු ඇතැයි වාර්තා වෙයි.
ඔහු ඇමති විෂයන් දෙකක කටයුතු කරනු ලැබූ අතර පසුගියදා වැලිකඩ හා අනුරාධපුර බන්ධනාගාරවල ඇතිවූ මතභේදාත්මක සිදුවීම් හේතුවෙන් බන්ධනාගාර කළමණාකරණ හා සිරකරුවන් පුනරුත්තාපන කිරීමේ රාජ්‍ය අමාත්‍යධුරයෙන් ඔහු ඉල්ලා අස්වීමට අදාළ ලිපිය ජනපති ගෝඨාභය රාජපක්ෂ මහතා වෙත යොමුකර තිබුණි. එම ඉල්ලා අස්වීම ජනපතිවරයා භාර ගනු ලැබීය.
ඒ අනුව තවදුරටත් ඔහු මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍යවරයා ලෙස කටයුතු කිරීමට නියමිතව ඇතැයි වාර්තා වෙයි.
