ලෝකයේ සෙසු රටවල් කොවිඩ් එන්නත් ලබා දුන්නේ මිනිසුන් බේරා ගැනීමට වුවද මෙරට එන්නත්කරණය සිදුකර ඇත්තේ ආණ්ඩුව බේරා ගැනීමට බව සමගි ජනබලවේගය චෝදනා කරනවා. අද පෙරවරුවේ විපක්ෂ නායක කාර්යාලයේ පැවති මාධ්‍ය හමුවට එක්වෙමින් පාර්ලිමේන්තු මන්ත්‍රී හරීන් ප්‍රනාන්දු මහතායි මේ බව කියා සිටියේ.
තවදුරටත් ඔහු කියා සිටියේ වත්මන් ආණ්ඩුව මුලු රටටම වෛරසයක් බවට පත්ව ඇති බවත් ,ආණ්ඩුවේ ප්‍රබලයන්ද පිටින් රටට පැමිණි වෛරස බවත්ය.මෙම වෛරස ඉවත් කිරීමට පෙළගැසෙන බවද මන්ත්‍රීවරයා කියා සිටියේය.
