අයි.එස්.අයි.එස් සංවිධානයේ මූල්‍ය ප්‍රධානී, සාමි ජාසිම් අල් ජබුරි සිය ආරක්ෂක අංශ භාරයට ගත් බව ඉරාක අග්‍රාමාත්‍ය මුස්තාෆා අල් කදෙමී නිවේදනය කර තිබේ.
ඉරාක බුද්ධි අංශ විසින් සිදුකළ සංකීර්ණ මෙහෙයුමකින් අමෙරිකාව විසින් සොයමින් සිටි අයි.එස් සංවිධානයේ මූල්‍ය ප්‍රධානියා සිය ආරක්ෂක අංශ භාරයට ගත් බව අල් කදෙමී ට්විටර් පණිවුඩයක් නිකුත් කරමින් සඳහන් කර ඇත.
2015 වසරේදී ගෝලීය ත්‍රස්තවාදියෙකු ලෙස, සාමි ජාසිම් අල් ජබුරි ව අමෙරිකාව විසින් නම් කළේය.
ඒ අනුව අල් ජබුරි සොයාගන්නා පාර්ශවයන්ට අමෙරිකානු ඩොලර් මිලියන 5ක ත්‍යාගයක් පිරිනමන බව ද අමෙරිකාව ප්‍රකාශ කර තිබූ බව විදෙස් මාධ්‍ය පෙනවා දෙති.
