ආනයනය සඳහා අවසර පැවතුණ ද රට තුළ පවතින ඩොලර් හිඟය හේතුවෙන් සීනි ආනයනය කිරීමට නොහැකි තත්ත්වයක් උද්ගත වී ඇති බවයි සීනි ආනයනකරුවන්ගේ සංගමය පවසයි.
එවන් පසුබිමක් තුළ වෙළපොළේ දින කිහිපයක සිට සීනි හිඟයක් නිර්මාණය වී ඇත. ඒ අනුව සීනි කිලෝග්‍රෑමයක් රුපියල් 200 කට ආසන්න මිලකට ද ප්‍රදේශ වල විවිධ මිල ගණන් යටතේ අලෙවි වේ.
කෙසේවෙතත් මෙරටට අවශ්‍ය සීනි ප්‍රමාණය ගෙන්වා ගැනීමට අදාළව අද සහ හෙට දිනවල ආනයනකරුවන් සමඟ සාකච්ඡා පවත්වන බව ද පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න මහතා පැවසුවේය.
