කුලී හෝ බදු නිවැසියන් මෙන්ම අනවසර පදිංචිකරුවන්ට ද අනෙකුත් සුදුසුකම් සම්පූර්ණ කරන්නේ නම් තමන් සාමාන්‍ය පදිංචි ලිපිනයේ ඡන්දහිමියකු ලෙස ලියාපදිංචි විය හැකි බව මැතිවරණ කොමිෂන් සභාව පවසනවා.
ඒ අනුව දේපළ අයිතිය පිළිබඳව අවධානය යොමු නොකරන අතර ඡන්දය ලියාපදිංචි කිරීම සඳහා දේපළ අයිතිකරුගේ කැමැත්ත හෝ එකඟතාව ද අවශ්‍ය නොවන බවයි.
ඒ සම්බන්ධ ඉල්ලුම් පත්‍රය www.elections.gov.lk වෙබ් අඩවියෙන් භාගත කරගත හැකි අතර 0112860031, 0112860032 හෝ 0112860034 යන දුරකථන අංක අමතා වැඩිවිස්තර ලබා ගැනීමට හැකි බවද මැතිවරණ කොමිෂන් සභාව සඳහන් කරයි.
