පාසල් තුළ සහ නිවාස ආශ්රිතව කොරෝනා ආසාදිත දරුවන් වාර්තා වීමේ ඉහළ යාමක් නිරීක්ෂණය වන බව සෞඛ්ය අංශ පවසනවා.
මේ අතර, ඊයේ දිනයේත් මෙරටින් ආසාදිතයින් 700 ඉක්මවා වාර්තා වී තිබෙනවා.
මෙරටින් ඊයේ හඳුනාගත් නව ආසාදිතයින් 745 දෙනා සමඟ මෙරට සමස්ත ආසාදිතයින් සංඛ්යාව දැක්වුණේ 559,605ක් ලෙසයි.
ඒ අනුව මෙරට සක්රීය ආසාදිතයින් සංඛ්යාව 17,471ක්.
එමෙන්ම නව මරණ 23ක් සමඟ මෙරට මුළු මරණ සංඛ්යාව දැක්වුණේ 14,205ක් ලෙසයි.
රිඡ්වේ ආර්යා ළමා රෝහල තුල ප්රතිකාර ලබන කොරෝනා ආසාදිත දරුවන් සංඛ්යාවද ඉහළ ගොස් ඇති බව එම රෝහලේ විශේෂඥ වෛද්ය චන්නද සිල්වා පවසනවා.
ඔහු කියා සිටියේ, සියලු ගුරුවරුන් සහ සිසුන් පන්ති කාමර තුළ මුහුණු ආවරණ පැළඳීමට කටයුතු කළ යුතු බවයි.
