ඔමික්‍රොන් කොවිඩ් ප්‍රභේදය ගැන සිදුකළ පර්යේශනයක ප්‍රතිඵල මාධ්‍ය වෙත නිකුත් කරමින් ඊශ්‍රායල පර්යේෂකයින් පසුගිය සෙනසුරාදා ප්‍රකාශ කළේ Pfizer – BioNTech එන්නත් මාත්‍රා තුනක් මගින් නව ඔමික්‍රොන් ප්‍රභේදයට එරෙහිව සැලකිය යුතු ආරක්ෂාවක් සපයන බවයි .
ඊශ්‍රායල ෂෙබා වෛද්‍ය මධ්‍යස්ථානය සහ එරට සෞඛ්‍ය අමාත්‍යාංශයේ මධ්‍යම වෛරස් විද්‍යාගාරය විසින් සිදු කරන ලද අධ්‍යයනයෙන්, මාස 6 කට පෙර එන්නත් මාත්‍රා දෙකක් ලබා ගත් පුද්ගලයින් 20 දෙනෙකුගේ රුධිර ප්‍රතිදේහ මසකට පෙර තෙවන මාත්‍රාව ලබා ගත් පුද්ගලයින්ගේ රුධිර ප්‍රතිදේහ සමග සංසන්දනය කර ඇත.
මාස 6 කට පෙර දෙවන මාත්‍රාව ලබා ගත් පුද්ගලයින්ට ඔමික්‍රොන් වෛරසයට එරෙහිව ක්‍රියාකිරිමේ හැකියාව ඉතා අවම මට්ටමක පවතින බව අනාවරණය වි ඇති බව ෂෙබා හි බෝවන රෝග ඒකකයේ අධ්‍යක්ෂ වෛද්‍ය ගිලි රිගව් පවසයි.
