යුක්රේනය සමග පවතින අර්බුදකාරී තත්ත්වය හමුවේ රුසියාවේ බිලියනපතියන් තුන් දෙනෙකුට බ්‍රිතාන්‍යයට ඇතුළුවීම තහනම් කරමින් මෙලෙස සම්බාධක පනවා ඇති බව විදෙස් මාධ්‍ය වාර්තා සදහන් කරයි.
එමෙන්ම, රුසියාවේ බැංකු ඇතුළු මූල්‍ය කටයුතුවලට එරෙහිව ද බ්‍රිතාන්‍යය සම්බාධක පනවනු ලැබුවා.
ජපානය රුසියාවට සහ රුසියානු ගැති බෙදුම්වාදී කලාප එම ප්‍රදේශ විධිමත් ලෙස හඳුනාගෙන එහි හමුදා යෙදවීමට නියෝග කිරීමෙන් පසු නැගෙනහිර යුක්රේනයේ ආර්ථික සම්බාධක මාලාවක් ක්‍රියාත්මක කරන බව අගමැති ෆුමියෝ කිෂිඩා බදාදා ප්‍රකාශ කළේය.
රජය විසින් කලාප දෙකේ නිලධාරීන් සඳහා වීසා නිකුත් කිරීම අත්හිටුවා ඔවුන්ගේ වත්කම් කැටි කරනු ඇත. එය ඩොනෙට්ස්ක් සහ ලුහාන්ස්ක් යන ස්වයං ප්‍රකාශිත ජනරජ වෙත අපනයන සහ ආනයන මෙන්ම ජපානයේ නව රුසියානු ස්වෛරී බැඳුම්කර නිකුත් කිරීම සහ වෙළඳාම තහනම් කරනු ඇති බව කිෂිඩා පැවසීය.
බ්‍රිතාන්‍යය නිවේදනයක් නිකුත් කරමින් සදහන් කරන්නේ රුසියාවට එරෙහිව සම්බාධක පැනවීමේ පළමු අදියර මෙය බවයි.
පවතින තත්ත්වය මත ඉදිරියේදී තවදුරටත් සම්බාධක පැනවීම සම්බන්ධයෙන් තීරණය කරන බව ද එම නිවේදනයේ සදහන්ය.
යුක්රේනය සමග පවතින අර්බුදකාරී තත්ත්වයට විරෝධය පළ කරමින් ජපානය ද රුසියාව සමග පවත්වන බැංකු සහ මූල්‍ය කටයුතුවලට එරෙහිව සම්බාධක පනවා ඇති බවයි එරට මාධ්‍ය වාර්තා කරන්නේ.
මේ අතර, රුසියාවේ රැඳී සිටින තම තානාපතිවරුන් යළි සිය රට වෙත කැදවීමට ඔිස්ට්‍රෙලියාව සහ නවසීලන්තය තීරණය කර තිබෙනවා.
කෙසේ වෙතත්, යුක්රේන – රුසියා අර්බුදය සම්බන්ධයෙන් ඉන්දියාව පැහැදිලි මතයක් මෙතෙක් ඉදිරිපත් කර නොමැති බව විදෙස් මාධ්‍ය අද (23) වාර්තා කළේය.
