මාලදිවයිනේ හිටපු ජනාධිපති අබ්දුල්ලා යමීන් සිංගප්පූරුව සහ මැලේසියාව වැනි ස්ථානවලට ගොස් විදේශ හෝටල් හිමියන් සහ ව්යාපාරිකයන් සමඟ ගනුදෙනු කර ඇති බව විදෙස් මාධ්ය වාර්තා කර තිබේ.
2014 සිට 2018 දක්වා මාලදිවයිනේ ජනාධිපතිවරයා ලෙස කටයුතු කළ කාලය තුළ ඔහු සිංගප්පූරුවේ සිදු කළ මුළු සංචාර ගණන 11කි.
සංචාරයන් 11 න් 3 ක් පමණක් නිල සංචාරයන් ලෙස සටහන් වී ඇති අතර අනෙක් සංචාර 8 තනිකරම පුද්ගලික ඒවා වූ අතර ඔහු බොහෝ විට සංචාරය පිටුපස හේතු දැක්වීමෙන් වැළකී සිටීමට උත්සාහ කළ බව මාලදිවයින් වොයිස් වාර්තා කර තිබේ.
.
යමීන් සහ ඔහුගේ සොහොයුරා වන අහමඩ් අදීබ් ඔහුගේ පාලන කාලයේදී දූපත් බිම් කොටස් 50කට වැඩි ප්රමාණයක් කිසිදු අත්පත් කර ගැනීමේ ගාස්තුවක් නොමැතිව නීති විරෝධී ලෙස බදු දී ඇති බවට ද චෝදනා එල්ල වී ඇත.
එසේම, කිසිදු ලංසු තැබීමේ ක්රියාවලියකින් තොරව සමාගම්වලට කොන්ත්රාත්තු ලබා දී ඇති අතර එයද නීති විරෝධී බව මාලදිවයින් වොයිස් වාර්තාවේ සදහන් වේ.
