පාකිස්ථානය පාලනය යටතේ ඇති කාශ්මීරයේ පදිංචි සරණාගතයින් පසුගිය 22 වනදා කළු දිනයක් සැමරූ අතර කාශ්මීරයේ නීතිවිරෝධී ලෙස අත්පත් කරගත් ප්‍රදේශ ආපසු ලබා දෙන ලෙස ඉල්ලා සිටි බව වාර්තා වේ.
1947 ඔක්‌තෝබර් 22 වැනිදා පාකිස්‌තාන හමුදාවේ සහාය ලැබූ කබාලි ගෝත්‍රිකයෝ ජම්මු හා කාශ්මීරයට පහර දී දහස්‌ ගණනක්‌ මිනිසුන් මරා දැමූහ.
1947 දී කාශ්මීර නිම්නයේ පුරවැසියන්ට ඔවුන් එල්ල කළ ප්‍රහාරය නිසා බොහෝ දෙනෙකුට තම නිවෙස් අතහැර වෙනත් ආරක්ෂිත ස්ථානවල රැකවරණය ලබා ගැනීමට සිදුවිය.
එතැන් සිට, ජම්මු හි පදිංචි වී සිටින සරණාගතයින් එම දිනය ‘කළු දිනය’ ලෙස සමරන අතර අමානුෂික අර්බුදයෙන් ජීවිත අහිමි වූවන් සිහිපත් කරනු ලබයි.
1947 අගෝස්තු මාසයේදී, ඉන්දියාව නිදහස ලැබු විට, ජම්මු සහ කාශ්මීරය, කුමාර ප්‍රාන්තවලින් එකක් ලෙස මහාරාජා හරි සිං විසින් පාලනය කරන ලදී.
1947 අගෝස්තු 15 වැනිදා බ්‍රිතාන්‍යයන් රටින් පිටව යන තුරුම ඔහු ඉන්දියාවට හෝ පාකිස්තානයට එක්වීම ගැන කිසිදු තීරණයක් ගත්තේ නැත.
