අඩු මානව ප්‍රාග්ධන ආයෝජන 2047 වන විට ඉහළ මධ්‍යම ආදායම් ලබන රටක් බවට පත්වීමේ පාකිස්තානයේ අභිලාෂය සාක්ෂාත් කර ගැනීම සීමා කරන බව ලෝක බැංකුවේ නව වාර්තාවක් ප්‍රකාශ කළේය.
පකිස්තානයේ ධනය සියයට 61ක් මානව ප්‍රාග්ධනයෙන් සමන්විත වන නමුත් එහි මානව ප්‍රාග්ධන මට්ටම ලෝකයේ පහළම අගයන් අතර වේ.
පකිස්තාන ළමුන්ගෙන් සියයට 75ක් නිසි අධ්‍යාපනයක් නොලබන අතර වයස අවුරුදු දහය වන විට ඔවුන්ගේ වයසට අදාළ මූලික කතාවක් කියවා තේරුම් ගැනීමට නොහැකි මට්ටමේ පසුවේ.
තම ජනතාව සහ ඔවුන්ගේ මානව ප්‍රාග්ධනය සඳහා ආයෝජනය කිරීමෙන් පාකිස්තානයට සැලකිය යුතු ආර්ථික වර්ධනයක් හා සංවර්ධනයක් අත්විඳිය හැකි බව ලෝක බැංකු වාර්තාව අනාවරණය කර තිබේ.
එහෙත් සත්‍යය නම් පකිස්ථානයට ඇත්තේ අඩු මානව ප්‍රාග්ධනයක් බවත් එය පසුගිය දශක තුනක කාලය තුළ සුළු වශයෙන් දියුණු වී ඇති බවත් ය.
ඩෝන් පුවත්පතට අනුව, මානව ප්‍රාග්ධනයේ විෂමතා ධනවත් සහ දුප්පතුන්, පිරිමින් සහ කාන්තාවන් අතර, ග්‍රාමීය හා නාගරික ප්‍රදේශවල සහ පළාත් අතර, කාලයත් සමඟම වර්ධනය වී ඇත.
පිරිමි හා ගැහැණු ළමුන්ගේ මානව ප්‍රාග්ධනයේ වසර දහයක පමණ ප්‍රගතිය වසංගතය විසින් බොහෝ දුරට වලක්වා ඇත.
ඒ අනුව පුරෝකථනය කරන්නේ පකිස්ථානයේ මානව ප්‍රාග්ධන දර්ශක අගය එහි 2012 මට්ටමට වන 0.41 සිට 0.37 දක්වා පහත වැටෙනු ඇති බවයි.
පාකිස්තානය ගැන ලෝක බැංකු අලුත්ම තක්සේරුව
