චීන කොමියුනිස්ට් පක්ෂ සාමාජිකයින් හොංකොං හි සිවිල් අයිතිවාසිකම් ක්‍රියාකාරීන්ගේ සහ විරෝධතාකරුවන්ගේ පුද්ගලික දත්ත පරීක්ෂා කිරීමට, ඔවුන් හඳුනා ගැනීමට සහ සොයා ගැනීමට TikTok හි මව් සමාගම වන ByteDance Inc. භාවිතා කර ඇතැයි සමාගමේ හිටපු විධායක නිලධාරියෙක් අධිකරණය හමුවේ පැවසීය.
නඩුව පවරා ඇත්තේ ByteDance සමාගමේ සේවය කළ හිටපු ඉංජිනේරු ප්‍රධානියෙකු වන ඇමෙරිකානු ජාතික Yintao “Roger” Yu විසිනි..
සමාගමේ බීජිං කාර්යාලවල ස්ථාපනය කර ඇති චීන රජයේ විශේෂ කමිටුවක්, එක්සත් ජනපදයේ පරිශීලකයින්ගේ දත්ත ඇතුළුව වේදිකාවේ ඇති සියලුම දත්ත නිරීක්ෂණය කළ බව ඔහු පැවසීය.
“චීන කොමියුනිස්ට් පක්ෂයේ නිරීක්ෂණ වලින් දත්ත ආරක්ෂා කිරීම සඳහා බයිට් ඩාන්ස් ස්ථාපනය කර ඇතැයි කියනු ලබන ඕනෑම බාධකයක මෙය පිටුපස දොරක් විය” යනුවෙන් සැන් ෆ්‍රැන්සිස්කෝ හි රාජ්‍ය අධිකරණය හමුවේ ගොනු කර ඇති නඩුවේ දැක්වේ.
ප්‍රචාරණය හා ප්‍රවර්ධනය කිරීම සඳහා සමාගම චීන කොමියුනිස්ට් පක්ෂය සමඟ ද කටයුතු කළ බව යූ පැවසීය.
“ByteDance හොංකොං හි විරෝධතාවලට (“කුඩ විප්ලවය”) සහය ප්‍රකාශ කරන අන්තර්ගතයන් සීමා කර ඇති බව නිරීක්ෂණය කළ අතර එය හොංකොං හි විරෝධතා පිළිබඳ විවේචන ප්‍රකාශ කරන අන්තර්ගතයන් ප්‍රවර්ධනය කරන ලදී,” යූ පැවසීය.
ByteDance පැවසුවේ Yu සමාගම සඳහා වසරකට අඩු කාලයක් සේවය කළ බවයි.
සමාගම ප්‍රකාශයක් නිකුත් කරමින් කියා සිටියේ චෝදනා පදනම් විරහිත බවත් පවරා ඇති නඩුවට එරෙහිව දැඩි ලෙස සටන් කරන බවයි.
