ඉන්දීය-එක්සත් ජනපද සමුළුවේදී අගමැති නරේන්ද්‍ර මෝදි සහ ජනාධිපති ජෝ බයිඩන් ඔවුන්ගේ උපායමාර්ගික අභිසාරීතාව වර්ධනය කිරීම සඳහා පුළුල් පරාසයක කලාපීය හා ගෝලීය ගැටළු විශේෂයෙන් ඉන්දු-පැසිෆික් කලාපය සම්බන්ධයෙන් සාකච්ඡා කළහ,.
ඉන්දු-පැසිෆික් කලාපයේ බලහත්කාරී ක්‍රියාමාර්ග පිළිබඳව නායකයින් දෙදෙනා කනස්සල්ල පළ කළ අතර, පවතින තත්ත්වය වෙනස් කිරීමට අදහස් කරන ඕනෑම ඒකපාර්ශ්වික ක්‍රියාවකට දැඩි ලෙස විරුද්ධ වූ අතර, පොදු යහපත සඳහා හවුල්කාරිත්වයක් ලෙස Quad අනුමත කළ බැවින් අපේක්ෂා කළ අවධානය චීනය වෙත යොමු විය.
ඇත්ත වශයෙන්ම චීනයට සහ රුසියාවට දුන් පණිවිඩය වූයේ “නීති මත පදනම් වූ ජාත්‍යන්තර පිළිවෙලට” ගරු කළ යුතු බවයි.
විශේෂයෙන් යුක්රේන ප්‍රශ්නය සම්බන්ධයෙන්, මෝඩි රුසියාව හෙළා නොදැක්කා සේම, එක්සත් ජාතීන්ගේ ප්‍රඥප්තිය, ජාත්‍යන්තර නීතිය සහ ස්වෛරීභාවය සහ භෞමික අඛණ්ඩතාවයට ගරු කිරීමේ අවශ්‍යතාවය ගැන මොස්කව්ට මතක් කිරීමට ඔහු බයිඩන් සමග එක් විය.
ආහාර, ඉන්ධන, බලශක්ති සුරක්ෂිතතාව සහ තීරනාත්මක සැපයුම් දාමයන් මත යුද්ධයේ බරපතල හා වැඩෙන බලපෑම අවධාරණය කරන අතරම, ගැටුමේ “භයානක හා ඛේදනීය” මානුෂීය ප්‍රතිවිපාක පිළිබඳව ඔවුහු ගැඹුරු කනස්සල්ල පළ කළහ.
