ඉන්දු-පැසිෆික් කලාපයේ චීනයේ ව්‍යාප්තිය හමුවේ, ඉන්දියාව සහ ජපානය ප්‍රහාරක ජෙට් යානා සමඟ ඔවුන්ගේ ප්‍රථම ගුවන් මෙහෙයුම් අභ්‍යාසය ඉක්මනින්ම පැවැත්වීමටත්, ඔවුන්ගේ අන්‍යෝන්‍ය යුධ සැපයුම් ගිවිසුම ඉහළ නැංවීමටත්, අති නවීන ආයුධ පද්ධති සංවර්ධනය කිරීම සඳහා ආරක්ෂක-කාර්මික සහයෝගීතාවයේ විෂය පථය පුළුල් කිරීමටත් සැලසුම් කර ඇති බව වාර්තා වේ.
ඉන්දීය ආරක්ෂක අමාත්‍ය රාජ්නාත් සිං සහ ජපන් ආරක්ෂක අමාත්‍ යසුකාසු හමාඩා, ඉන්දියා-ජපාන ආරක්ෂක හවුල්කාරිත්වයේ වැදගත්කම සහ නිදහස්, විවෘත සහ නීති රීති පදනම් කර ගැනීම සහතික කිරීමේදී එය ඉටු කරන තීරණාත්මක කාර්යභාරය අමාත්‍යවරුන්ගේ හමුවකදී අවධාරණය කර තිබේ.
සමුද්‍රීය සහයෝගීතාව වර්ධනය කර ගැනීමේ ක්‍රම පිළිබඳවත් ඔවුන් පුළුල්ව සාකච්ඡා පැවැත්වූ බවත් සදහන් වේ.
ඉන්දියාව, චීනය සමඟ නැගෙනහිර ලඩාක් ප්‍රදේශයේ අඛණ්ඩ යුධ ගැටුම් සමඟ පොරබදමින් සිටින අතර, ප්‍රදේශ කිහිපයක හමුදා විසුරුවා හැරීම සිදු වුවද, තායිවාන් සමුද්‍ර සන්ධි අර්බුදයෙන් පැන නගින ඕනෑම හදිසි අවස්ථාවක් සඳහා සූදානම් වීමට ජපානය සිය හමුදා හැකියාවන් ශක්තිමත් කරමින් සිටියි.
දෙරට අතර වඩා සංකීර්ණ හා ද්විපාර්ශ්වික අභ්‍යාස සඳහා අඛණ්ඩ උත්සාහයන් ගනු ඇති බවද සදහන් වේ.
ආරක්ෂක උපකරණ සහ තාක්‍ෂණික සහයෝගිතා ක්‍ෂේත්‍රයේ ජපානය සමඟ හවුල්කාරිත්වයේ විෂය පථය පුළුල් කිරීමේ අවශ්‍යතාවය ද මෙහිදී අවධාරණය කර තිබේ.
